Ադրբեջանում

Ադրբեջանի Հաջիգաբուլի շրջանում 3,1 մագնիտուդ ուժգնությամբ երկրաշարժ է տեղի ունեցել։ Այս մասին ասվում է երկրի Սեյսմոլոգիական ծառայության կենտրոնի հաղորդագրության մեջ։ Նշվում է, որ երկրաշարժը գրանցվել է Հաջիգաբուլի շրջանի Գոբուստան կայանից 32 կմ հարավ՝ 11 կմ խորության վրա։ Տուժածներ, ավերածություններ չկան:

Ադրբեջանի պետական սահմանային ծառայության երկու զինծառայող է մահացել կայծակի հարվածից։ Այս մասին հայտնում են ադրբեջանական լրատվամիջոցները։ Նշվում է, որ միջադեպը տեղի է ունեցել հունիսի 9-ին Լենքորանի սահմանապահ ջոկատի պաշտոնական տարածքում։ Մասնավորապես, զոհվել են մայոր Բախիշ Բախիշլին և զինծառայող Ալի Նագիևը։ Հստակեցվում է, որ սահմանապահները զոհվել են պետական սահմանը պաշտպանելու համար ծառայություն կատարելիս։

Ադրբեջանում այսօր հերթական երկրաշարժն է գրանցվել։ Այս մասին հայտնում են տեղի լրատվամիջոցները՝ նշելով, որ Սաաթլիի շրջանում գրանցված ցնցման ուժգնությունը կազմել է 3,9 մագնիտուդ։ Լրավտամիջոցները միաժամանակ նշում են, որ սեյսմիկ ծառայության հանրապետական կենտրոնի տվյալներով՝ Սաաթլիի և Սաբիրաբադի շրջանների սահմանին 4 բալ ուժգնությամբ երկրաշարժ է տեղի ունեցել:

Ադրբեջանի Շամախիի շրջանում երկրաշարժ է գրանցվել՝ 3,2 մագնիտուդ ուժգնությամբ։ Երկրաշարժի ուժգնությունը էպիկենտրոնում և հարակից շրջաններում կազմել է 3 բալ։ Օջախը եղել է 5 կմ խորության վրա։

Ադրբեջանում՝ Աղդաշի շրջանում, 3,4 մագնիտուդ ուժգնությամբ երկրաշարժ է տեղի ունեցել, հայտնում են տեղի լրատվամիջոցները: Ինչպես հայտնել են Ադրբեջանի ԳԱԱ սեյսմոլոգիական ծառայության հանրապետական կենտրոնից, տեղական ժամանակով ժամը 10:35-ին երկրաշարժ է տեղի ունեցել Աղդաշի շրջանում՝ Մինգեչևիր կայարանից 23 կմ հարավ-արևելք։

Ադրբեջանի հարավ-արևելքում՝ Նեֆթչալայում, երկրաշարժ է տեղի ունեցել: Ինչպես փոխանցում են ադրբեջանական լրատվականները, այս մասին հայտնել են Սեյսմոլոգիական ծառայության հանրապետական կենտրոնից։ Երկրաշարժի ուժգնությունը կազմել է 3,8 մագնիտուդ։

Այսօր՝ հոկտեմբերի 22-ին ժամը 06:09-ին Կասպից ծովում 3,3 մագնիտուդով երկրաշարժ է տեղի ունեցել։ Երկրաշարժի էպիկենտրոնը գտնվել է 62 կիլոմետր խորության վրա։ Իսկ առաջին երկրաշարժն արձանագրվել է տեղական ժամանակով ժամը 00:58-ին`Մասալլիում, որի ուժգնությունը կազմել է 3,5 մագնիտուդ: «Երկրաշարժի հետազոտությունների բյուրոյի տվյալներով՝ երկրաշարժը գրանցվել է Մասալլի շրջանում՝ Լենքորան կայարանից 29 կմ հյուսիս»,-նշվում է հաղորդագրության մեջ:

Ադրբեջանի Ղուբայի շրջանում տեղի է ունեցել 3,3 մագնիտուդով երկրաշարժ, տեղեկացրել է «Арцах Новости»-ն։ Նշվել է, որ էպիկենտրոնը գտնվել է 42 կիլոմետր խորության վրա։ Ստորգետնյա ցնցումները չեն զգացվել։

Ադրբեջանի Ջալիլաբադի շրջանում 3 բալ ուժգնությամբ երկրաշարժ է գրանցվել, հաղորդում է երկրի սեյսմոլոգիական ծառայության հանրապետական կենտրոնը։ Ստորգետնյա ցնցումներ են գրանցվել տեղական ժամանակով ժամը 10:27-ին Ջալիլաբադ սեյսմիկ կայանից 9 կմ դեպի արեւմուտք։ Երկրաշարժի աղբյուրը գտնվել է 18 կմ խորության վրա։

Ադրբեջանում ևս մեկ երկրաշարժ է տեղի ունեցել, այս անգամ՝ 3,1 մագնիտուդ ուժգնությամբ։ Այս մասին հայտնում են տեղական լրատվամիջոցները։ Նշենք, որ երեկ նույնպես Ադրբեջանում երկրաշարժ էր գրանցվել՝ 3,3 մագնիտուդ ուժգնությամբ։