Գիշերային պայմաններ
Հրաձգային զենքի տիրապետման գործնական հմտությունների կատարելագործման և զինծառայողների կրակային պատրաստության մակարդակի բարձրացման նպատակով 4-րդ զորամիավորման ենթակա N զորամասի հրաձգարանում անցկացվել են մարտական հրաձգության ցուցադրական պարապմունքներ՝ գիշերային պայմաններում: Զինծառայողները հրաձգային զենքով կատարել են կրակային պատրաստության տարբեր վարժություններ՝ մարտավարական բարդ պայմաններում խոցելով հակառակորդի պայմանական թիրախները: Այս մասին տեղեկացնում են ՀՀ ՊՆ պաշտոնական կայքից։
5-րդ զորամիավորման հատուկ նշանակության ստորաբաժանումներից մեկի ներգրավմամբ գիշերային պայմաններում անցկացվել է գործնական պարապմունք: Ստորաբաժանման զինծառայողները ցուցաբերել են մարտական բարձր պատրաստվածություն, ներդաշնակ գործողություններով հաղթահարել ականապատ տարածքը, դիրքավորվել պայմանական հակառակորդի թիկունքում և կատարել առաջադրված խնդիրը: Այս մասին տեղեկացնում են ՀՀ ՊՆ պաշտոնական կայքից։
Ռազմավարական զորավարժության շրջանակներում 3-րդ բանակային զորամիավորման զորամասերում իրականացվել են գիշերային պայմաններում կրակի կառավարման վարժանքներ։ Զինծառայողներն իրականացրել են գիշերային պայմաններում նշանակետերի հայտնաբերման և հրետանու կրակի կառավարման գործնական վարժություններ։ Այս մասին տեղեկացնում են ՀՀ ՊՆ պաշտոնական կայքից։