Մարտական

Պաշտպանության նախարարության ներկայացուցիչ Արծրուն Հովհաննիսյանը գրառում է կատարել Facebook-ում, որում ասվում է. «Հարգելի հայրենակիցներ խնդրում եմ զերծ մնալ մարտական գործողությունների մանրամասնությունների նկարագրությունից, կանխատեսումներից ու խորհուրդներից, այս կամ այն զենքերի գովերգելուց և այլն։ Մեր բանակը իր խնդիրը հստակ կատարում է։ Եթե ունեք փաստարկված դիտարկումներ, այդ թվում իմ աշխատանքի վերաբերյալ, դրանց անդրադառնալու ժամանակ կլինի»։ https://www.facebook.com/arcrun/posts/3425923464109904

1-ին զորամիավորման տանկային ստորաբաժանումների զինծառայողների հետ անցկացվել են հրաձգության տեսական և գործնական պարապմունքներ։ Այս մասին հայտնում են ՀՀ ՊՆ պաշտոնական կայքից։ Նշվում է, որ անձնակազմը ցուցաբերել է բարձր պատրաստվածություն, գերազանց կատարել առաջադրված խնդիրները և խոցել պայմանական հակառակորդի բոլոր թիրախները:

2-րդ զորամիավորման տանկային ստորաբաժանումների ներգրավմամբ հունիսի 22-ին անցկացվել է վաշտային մարտավարական զորավարժություն՝ մարտական հրաձգությամբ: Այս մասին հայտնում են ՀՀ ՊՆ պաշտոնական կայքից։ Մարտական իրավիճակին մոտ պայմաններում զորավարժությանը մասնակցող զինծառայողները ցուցաբերել են մասնագիտական բարձր պատրաստություն, հաղթահարել արգելագոտիները, հայտնաբերել և ոչնչացրել պայմանական հակառակորդի թիրախները:  

2-րդ զորամիավորման շտաբի պետը ստուգայցեր է կատարել մարտական հենակետեր: Այս մասին հայտնում են ՀՀ ՊՆ պաշտոնական կայքից։ Նշվում է, որ դիրքերի ավագները ներկայացրել են առաջնագծում տիրող իրավիճակը, ստուգվել են դիրքերի կահավորվածությունը, ինժեներական աշխատանքների ընթացքը, մարտական հերթապահության կրման պայմաններն ու զինծառայողների բարոյահոգեբանական վիճակը: Արձանագրված բացթողումների վերաբերյալ զորամիավորման շտաբի պետը տվել է համապատասխան ցուցումներ:  

«Բաղրամյան» զորավարժարանում 5-րդ զորամիավորման ստորաբաժանումների զինծառայողներն անցկացրել են հոգեբանական արգելագոտու հաղթահարման ցուցադրական պարապմունք՝ մարտական հրաձգությամբ: Պարապմունքի ընթացքին հետևել են ԶՈւ բարոյահոգեբանական ապահովման վարչության և 5-րդ զորամիավորման սպաները: Այս մասին տեղեկացնում են ՀՀ ՊՆ պաշտոնական կայքից։

3-րդ զորամիավորման զորամասերից մեկում իրականացվել է մարտական հերթապահության հերթափոխ։ Ստորաբաժանումների հրամանատարները ստուգել են հերթափոխի մեկնող անձնակազմի հանդերձանքը, սպառազինությունն ու ռազմական տեխնիկան, հրահանգավորել խստորեն պահպանել անվտանգության կանոնները։ Այս մասին տեղեկացնում են ՀՀ ՊՆ պաշտոնական կայքից։

5-րդ զորամիավորման հատուկ նշանակության ստորաբաժանումների զինծառայողներն անցկացրել են մարտավարամասնագիտական վարժանքներ՝ մարտական հրաձգությամբ: Վարժանքների նպատակը եղել է անձնակազմի գործողությունների ներդաշնակման, մասնագիտական գիտելիքների և գործնական հմտությունների կատարելագործումը։ Այս մասին տեղեկացնում են ՀՀ ՊՆ պաշտոնական կայքից։