Zhong Tong
Համայնքային միջոցներով կհամալրվի «Էլեկտրատրանսպորտ» ընկերության հավաքակայանը: 15 նոր ու ժամանակակից տրոլեյբուս մինչև տարեվերջ կլինեն Երևանում: Այս մասին զեկուցվեց Երևանի քաղաքապետարանի գործակարգավարական նիստի ընթացքում: Ընթացքի մեջ է նաև Zhong Tong մակնիշի 150 և MAN մակնիշի 87 նոր ավտոբուսների ներկրման գործընթացը: Քաղաքապետ Հրաչյա Սարգսյանը հանձնարարեց արդեն իսկ սկսել վարորդների հավաքագրումը:
Մարտի մեկից Երևանի 2 երթուղիներ ևս կշահագործվեն նոր ավտոբուսներով։ Այս մասին այսօր խոսվեց Երևանի քաղաքապետարանի աշխատանքային խորհրդակցության ժամանակ։ «Երևանի ավտոբուս» ՓԲԸ տնօրեն Էլբակ Թարփոշյանն ասաց, որ մարտի 1-ից 2 երթուղի կսկսի շահագործվել Zhong Tong մակնիշի ավտոբուսներով։ Թրփոշյանը նշեց, որ այդ ավտոբուսները սպասարկելու են երթուղիները, որոնց ներքո գործող գազելներն այլևս շահագործման ենթակա չեն։
Այսօր Երևանի քաղաքապետարանում կայացավ գործակարգավարական խորհրդակցություն։ Դրա ընթացքում «Երևանի ավտոբուս» ՓԲԸ տնօրեն Էլբակ Թարփոշյանը հայտնեց, որ առաջիկա 10 օրվա ընթացքում գործարկվելու է ևս 2 երթուղի՝ «Zhong Tong» մակնիշի ավտոբուսներով։ Նա նշեց, որ վարորդների հավաքագրման փուլն արդեն ավարտել են։
