«Իսթ Էնդերս» հեռուստասերիալի նոր դրվագում տեղի ունեցավ անսպասելի և հուզիչ իրադարձություն․ Թեդդի Միտչելը, ընտանիքի համար ինքնազոհաբերության օրինակ ցույց տալով, ստանձնեց մահվան պատասխանատվությունը՝ իր որդուն՝ Հարիին, պաշտպանելու նպատակով։ Այս դեպքը սկսվեց, երբ Հարին՝ Թեդդիի որդին, փորձեց պաշտպանել Կոջոյին՝ ներգրավվելով Օկի Օքյերի հետ բախման մեջ։ Կատարվածի հետևանքով Օկին մահացավ, իսկ Թեդդին որոշեց իր վրա վերցնել ողջ մեղքը, որպեսզի որդին ազատվի քրեական պատասխանատվությունից։
Նրա այս քայլը հանգեցրեց ձերբակալության և լուրջ իրավական հետևանքների։ Թեդդիի փաստաբանը փորձեց ապահովել նրա ազատ արձակումը, սակայն հաջողություն չունեցավ։ Այս պատմությունը ընդգծում է ընտանիքի, նվիրվածության և հանցագործության հետևանքների թեմաները՝ ստիպելով հեռուստադիտողներին խորհել, թե արդյոք հնարավոր է արդարությունը զիջել ընտանիքի հանդեպ հավատարմությանը։ Թեդդիի ապագան շարունակում է մնալ անորոշ, իսկ երկրպագուները անհամբեր սպասում են՝ տեսնելու, թե ինչպես կզարգանա Միտչելների ընտանիքի ճակատագիրը։
Թեդդի Միտչելի դերում հանդես է գալիս Ռոլանդ Մանուկյանը։Մանուկյանը ունի հայկական ծագում[1]։ Նրա դերասանական կարիերան մեծ առաջընթաց ապրեց 2004 թվականին նկարահանված «The Football Factory» ֆիլմում իր տարած Զեբերդիի դերի շնորհիվ։ Նրա հաջորդ հայտնի դերը 2007 թվականի «Rise of the Footsoldier» ֆիլմի Քրեյգ Ռոլֆի դերն է՝ Քրեյգ Ֆեյրբրասի և Թերի Սթոնի հետ։ Մանուկյանը նկարահնվել է նաև Գայ Ռիչիի «Rocknrolla» ֆիլմում, որը 2008 թվականի սեպտեմբերին առաջին տեղն է զբաղեցրել Բրիտանիայի կինովարձույթում իր դերասանական կազմի շնորհիվ, որի մեջ մտնում են Թոմ Ուիլկինսոնը, Ջերարդ Բաթլերը, Մարկ Ստրոնգը, Իդրիս Էլբան և Թոմ Հարդին։ 1999 թվակնաին նկարահանվել է նաև Նիկ Լովի «Goodbye Charlie Bright»-ում և «The Business»-ում և «The Bill»-ի որոշ էպիզոդներում՝ որպես Բեն Գլովեր (Տեղեկությունը Վիկիպեդիայից)։