Մոսկվայի դատարանը ցմահ ազատազրկման է դատապարտել Ահմաջոն Կուրբոնովին, ով մեղադրվել է Ռուսաստանի ԶՈւ ռադիացիոն, քիմիական և կենսաբանական պաշտպանության զորքերի պետ, գեներալ-լեյտենանտ Իգոր Կիրիլովի սպանության մեջ։ Դատարանը նաև 1 մլն ռուբլի տուգանք է սահմանել նրա նկատմամբ։ Կուրբոնովի դատավարությունը բարձր ուշադրություն է գրավել, քանի որ նա հանդիսանում է զինվորական բարձրագույն պաշտոնատար անձանց դեմ իրականացված ահաբեկչական գործողության գլխավոր մեղադրյալը։
Դատարանը նաև դատապարտել է երեք այլ մեղադրյալների, ովքեր օգնել են Կուրբոնովին, տարբեր ժամկետներով ազատազրկման։ Նրանցից Ռոբերտ Սաֆարյանը մասամբ ընդունել է մեղքը, իսկ Բատուխան Տոչիևը և Ռամազան Պադիևը մեղքը չեն ընդունել։Մեղադրյալները մեղավոր են ճանաչվել ահաբեկչական կազմակերպությանը մասնակցելու և պայթուցիկ նյութերի անօրինական շրջանառության մեջ։ Սպանությունը տեղի է ունեցել 2024 թվականի դեկտեմբերին, երբ Կուրբոնովը ռումբով ամրացված սկուտեր է թողել գեներալի բնակարանի մուտքի մոտ, ինչի հետևանքով սպանվել են երկու զինծառայող։