Tesla-ի նոր Cybercab-ը մեծ հետաքրքրություն է առաջացրել իր անսովոր դիզայնով՝ սկսած անիվներից մինչև դիեդրալ դռների մեխանիզմը: Ընկերության գլխավոր դիզայներ Ֆրանց ֆոն Հոլցհաուզենը վերջերս բացատրել է այս նորույթի գունային ընտրության պատճառը:
Cybercab-ը ներկայացվեց Tesla-ի “We, Robot” միջոցառման ժամանակ և անմիջապես դարձավ ամենահետաքրքիր ապրանքներից մեկը վերջին կես տասնամյակում: Մեքենայի դեղնավուն-ոսկեգույն երանգը, ըստ Ֆրանցի, ընտրվել է որպես հարգանքի տուրք Նյու Յորքի հայտնի դեղին տաքսիների նկատմամբ: Tesla-ն նպատակ ունի ստեղծել ինքնավար Cybercab-ների ամբողջական ցանց, իսկ գույնը ներկայացված է որպես ապագայի տեսլականի և խորհրդանիշ:
Չնայած Cybercab-ի տեխնոլոգիական և դիզայնային հմայքին, ինքնավար մեքենաների զանգվածային արտադրության համար դեռ կան մեծ խոչընդոտներ: Tesla-ի ինքնավար վարելու տեխնոլոգիայի հուսալիությունը շարունակում է մնալ քննարկման առարկա, և դժվար է պատկերացնել, թե ինչպես կաշխատի լիովին ինքնավար մեքենաների համակարգը մինչև 2026-ը, երբ նախատեսվում է Cybercab-ի արտադրության մեկնարկը:
