«Տոտենհեմ»-ն ու «Արսենալ»-ը ոչ-ոքի խաղացին, Մխիթարյանը մասնակցեց խաղին

Անգլիայի առաջնության 29-րդ տուրում «Տոտենհեմ»-ն «Ուեմբլի» մարզադաշտում ընդունել էր «Արսենալ»-ին: Հանդիպումն ավարտվեց ոչ-ոքի 1:1 հաշվով:

16-րդ րոպեին հյուրերի կազմում հաշվիը բացել է Աարոն Ռեմսին: «Խթաններ»-ի կազմում 74-րդ րոպեին 11-մետրանոց հարվածի օգնությամբ պատասխան գնդակը խփել է Հարի Քեյնը:

Խաղավերջում մրցավարը ևս մեկ 11-մետրանոց նշանակեց, այս անգամ տանտերերի դարպասին, սակայն Պյեր-Էմերիկ Օբամեյանգը վրիպեց:

Ավելացրած ժամանակում հյուրերի կազմում կարմիր քարտ ստացավ Լուկաս Տորեյրան:

«Զինագործներ»-ի հայազգի կիսապաշտպան Հենրիխ Մխիթարյանը մեկնարկային րոպեներից դուրս եկավ խաղադաշտ և ամբողջությամբ մասնակցեց հանդիպմանը:

58-րդ րոպեին մեր ֆուտբոլիստը զգուշացվեց դեղին քարտով:

Այսպիսով, «Տոտենհեմ»-ը 61 միավորով մնում է 3-րդ տեղում, իսկ «Արսենալ»-ը 57 միավորով՝ 4-րդ տեղում:«Տոտենհեմ» – «Արսենալ»՝ 1:1

Հաղորդում է sportal.am-ը։