ԱՄՆ նախագահ Դոնալդ Թրամփը Դեմոկրատական կուսակցության անդամ և ազգային փոքրամասնության ներկայացուցիչ չորս կանանցից պահանջել է ներողություն խնդրել բոլոր այն սարսափելի բաների համար, որոնց շուրջ նրանք խոսել են: Այս մասին ԱՄՆ նախագահը գրել է թվիթերյան իր էջում։
Նշենք, որ նա խոսքն ուղղել է այն կոնգրեսականներին, որոնց վիրավորել էր։
«Ես չեմ հավատում, որ այդ չորս կին կոնգրեսականներն ունակ են սիրելու մեր երկիրը։ Նրանք պետք է ներողություն խնդրեն Ամերիկայից (և Իսրայելից) բոլոր այն սարսափելի (ատելությամբ լի) բաների համար, որոնց շուրջ խոսել են: Նրանք փչացնում են Դեմոկրատական կուսակցությունը, սակայն թույլ ու անինքնավստահ մարդիկ են, որոնք երբևէ չեն կարողանա ոչնչացնել մեր հզոր Ժողովրդին»,-գրել է Թրամփը:
I don’t believe the four Congresswomen are capable of loving our Country. They should apologize to America (and Israel) for the horrible (hateful) things they have said. They are destroying the Democrat Party, but are weak & insecure people who can never destroy our great Nation!
— Donald J. Trump (@realDonaldTrump) July 21, 2019