Հսկայական սառցապատ կղզին դարձել է հակասական քննարկումների և Թրամփի՝ Կոպենհագեն այցի հետաձգման պատճառ:
Գրենլանդիան Դանիայի թագավորության ինքնավար տարածք է և երբ նախագահ Թրամփը ԱՄՆ-ի կողմից առաջարկեց այն գնել, Դանիայի վարչապետն այդ առաջարկն «անհեթեթ» անվանեց: Այս ձևակերպումը վիրավորեց ԱՄՆ նախագահին։
«Դա գեղեցիկ չէր, նա, ինձ հեգնելով, հեգնում է նաև Միացյալ Նահանգները, բայց չէ՞ որ մենք այդքան բան ենք արել Դանիայի համար: Ես Դանիայում բազմաթիվ ընկերներ ունեմ, բազմաթիվ դանիացիներ ԱՄՆ-ում են բնակվում, և մենք միշտ երկրներին հարգանքով ենք վերաբերվել: Նա չպետք է օգտագործեր «անհեթեթություն» բառը, դա ճիշտ բառ չէր»,-ասել է Սպիտակ տան ղեկավարը։