ԱՄՆ նախագահ Դոնալդ Թրամփը պաշտոնապես սկսել է ընտրարշավը՝ իր ընտրողներին կոչ անելով այս թիմը պահպանել ևս 4 տարի: Այս մասին հայտնում է BBC News-ը:
Թրամփն իր նախընտրական արշավը սկսել է Ֆլորիդա նահանգում, որն իր «երկրորդ տունն» է անվանում՝ հազարավոր համախոհների առջև ելույթ ունենալիս:
Ելույթի ժամանակ ԱՄՆ նախագահն առիթը բաց չի թողել դեմոկրատներին մեղադրելու «երկիրը մասերի բաժանելու» փորձի մեջ:
Հայտնի է, որ ավելի վաղ անցկացված վարկանիշի արդյունքներով Դեմոկրատական կուսակցության թեկնածու Ջո Բայդենը մի շարք առանցքային նահանգներում գործող նախագահին զգալիորեն գերազանցել էր:
Նա բեմ է բարձրացել կնոջ՝ Մելանյայի հետ: Վերջինս հայտարարել է, որ հուզվում է այն մտքից, որ առաջին տիկինը կլինի ևս 6 տարի:
Արշավի ժամանակ ելույթ են ունեցել նաև փոխնախագահ Մայք Փենսը և Սպիտակ տան մամուլի հեռացող խոսնակ Սառա Սանդերսը: