ԱՄՆ նախագահ Դոնալդ Թրամփը իր TruthSocial սոցիալական ցանցում անդրադարձել է Ուկրաինայում ընթացող խաղաղ բանակցություններին՝ նշելով, որ հնարավոր է, որ ինչ-որ դրական զարգացումներ տեղի ունենան։ Թրամփը իր գրառման մեջ նշել է. «Մի՛ հավատացեք, մինչև չտեսնեք, բայց հավանաբար ինչ–որ լավ բան տեղի է ունենում»։
Բանակցությունները ներկայումս ընթանում են Ուկրաինայի, ԱՄՆ-ի և եվրոպական երկրների ներկայացուցիչների միջև։ Մոսկվան, սակայն, դեռևս որևէ պաշտոնական ծրագիր չի ստացել, ինչը վկայում է, որ գործընթացը դեռևս նախնական փուլում է։ Կրեմլը շարունակում է հետևել զարգացումներին՝ առանց պաշտոնական դիրքորոշում հայտնելու։