ԱՄՆ Նախագահ Դոնալդ Թրամփը հայտարարել է, որ իր սահմանած մաքսատուրքերը զգալի ազդեցություն են ունեցել երկրի առևտրային դեֆիցիտի վրա։ Truth Social հարթակում արված գրառման մեջ նա նշել է, որ մաքսատուրքերի շնորհիվ առևտրային դեֆիցիտը կրճատվել է ավելի քան կիսով չափ։ Թրամփը վստահեցրել է, որ այս ցուցանիշը ապագայում միայն կաճի՝ նպաստելով ԱՄՆ տնտեսության զարգացմանը։
Ապրիլի 2-ին Թրամփը հայտարարել էր 185 երկրներից և տարածքներից ներմուծվող ապրանքների վրա մաքսատուրքերի սահմանման մասին։ Ավելի ուշ նա ճշգրտել էր որոշ երկրների համար նախատեսված դրույքաչափերը՝ հաշվի առնելով տնտեսական և քաղաքական գործոնները։ Դեկտեմբերի 9-ին նա նաև նշել էր, որ ԱՄՆ Գերագույն դատարանի կողմից հնարավոր սակագնային սահմանափակումները կարող են լուրջ սպառնալիք դառնալ երկրի ազգային անվտանգության համար։