Թուրքիայի նախագահ Ռեջեփ Էրդողանը հեռախոսազրույց է ունեցել Իրանի նորընտիր նախագահ Մասուդ Փեզեշքիանի հետ:
TRT Haber-ը հաղորդում է, որ հեռախոսազրույցի ընթացքում քննարկվել են երկկողմ հարաբերությունները, տարածաշրջանային և միջազգային հարցեր։ Էրդողանը համոզմունք է հայտնել, որ թուրք-իրանական հարաբերությունները ապագայում ևս կզարգանան բոլոր ոլորտերում։
Էրդողանը Իրանի նորընտիր նախագահին շնորհավորել է ընտրություններում հաղթելու կապակցությամբ և նրան հաջողություններ մաղթել նոր պաշտոնում։
