Արաբական Միացյալ Էմիրությունների (ԱՄԷ) պաշտպանության նախարարության խոսնակ Աբդել Նասիր ալ-Համիդին հայտարարել է, որ երկիրը ունի բոլոր անհրաժեշտ պաշտպանական միջոցները և զինամթերքի պաշարները՝ պաշտպանվելու համար, անկախ տարածաշրջանում լարվածության սրման ժամանակահատվածից և տևողությունից: Նա նշել է, որ մինչ օրս ԱՄԷ-ն հաջողությամբ հետ է մղել իր տարածքի ուղղությամբ արձակված հարյուրավոր բալիստիկ հրթիռներ և անօդաչու թռչող սարքեր: Նախարարության խոսնակը նաև նշել է, որ փետրվարի 28-ից ի վեր, երկրի ուղղությամբ արձակվել է 186 հրթիռ և 812 ԱԹՍ, որոնք միայն «աննշան վնասներ» են հասցրել, ինչը վկայում է տարածաշրջանում շարունակվող ռազմական ակտիվության պայմաններում այդ երկրի դիմադրության ներուժի մասին: