Ուկրաինան վերսկսել է գազի ներմուծումը Հարավային անդրբալկանյան երթուղով՝ ռուսական հարձակումների հետևանքով գազի արտադրության կրճատումը փոխհատուցելու համար։ Հոկտեմբերի տվյալներով, Ուկրաինան Անդրբալկանյան երթուղով ստացել է 1,1 միլիոն խորանարդ մետր գազ։ Երթուղին կապում է Ուկրաինան Հունաստանի հեղուկացված բնական գազի տերմինալների հետ։ Սակագների իջեցումը նպաստել է երթուղու հզորությունների բեռնվածության մեծացմանը։
Հարկ է նկատել, որ Ուկրաինան օրական մոտ 23 միլիոն խորանարդ մետր գազ է ներմուծում, այդ թվում՝ մոտ 10 միլիոն խորանարդ մետրը՝ Հունգարիայից, մոտ 8 միլիոն խորանարդ մետրը՝ Լեհաստանից և մոտ 5 միլիոն խորանարդ մետրը՝ Սլովակիայից։ Անդրբալկանյան երթուղին չի օգտագործվել սեպտեմբերին և հոկտեմբերին, իսկ մինչ այդ աշխատել էր միայն հուլիսին և օգոստոսին։ Գազատարն այդքան էլ մեծ պահանջարկ չի վայելել՝ չորս երկրներով և Ուկրաինայի տարածքով գազի տարանցման բարձր արժեքի պատճառով։