Ուկրաինայի նախագահ Վլադիմիր Զելենսկին հայտարարել է, որ ուկրաինացի բանակցողները մեկնում են ԱՄՆ՝ քննարկելու պատերազմի ավարտի պլանը։ Հանդիպումները նախատեսված են ուրբաթ և շաբաթ օրերին, որտեղ կքննարկվեն անվտանգության երաշխիքները, վերականգնման համաձայնագրերը և 20 կետերից բաղկացած ծրագիրը։ Զելենսկին նշել է, որ փաստաթղթի վերջնական տարբերակը դեռևս պատրաստ չէ։
Ըստ «Politico»-ի, ԱՄՆ-ի և ՌԴ-ի պատվիրակությունները կարող են հանդիպել Ֆլորիդայում՝ Մայամիում, առաջիկա հանգստյան օրերին։ Հանդիպման նպատակն է քննարկել Կիևի և Մոսկվայի միջև հակամարտության դադարեցման հնարավորությունները։ Ամերիկյան կողմը պլանավորում է ներկայացնել Բեռլինում վերջերս տեղի ունեցած բանակցությունների արդյունքները։ Ռուսական կողմը կներկայացնի Կիրիլ Դմիտրիևը, իսկ ԱՄՆ-ից ներկա կլինեն Սթիվ Ուիթքոֆը և Ջարեդ Քուշները։