ԱՄՆ-ը բանակցություններ է վարում Դանիայի հետ Գրենլանդիայում երեք նոր ռազմական բազաների հասանելիություն ստանալու նպատակով։ Սա վերջին տասնամյակների ընթացքում ԱՄՆ-ի կողմից Գրենլանդիայում ռազմական ներկայության ընդլայնման առաջին նախաձեռնությունն է, որը վկայում է Արկտիկայում ռազմավարական դիրքերը ամրապնդելու Վաշինգտոնի վճռականության մասին։
ԱՄՆ Հյուսիսային հրամանատարության ղեկավար, գեներալ Գրեգորի Գիյոն նշել է, որ աշխատանքներ են տարվում նոր նավահանգիստների և օդանավակայանների զարգացման ուղղությամբ, ինչը ԱՄՆ ղեկավարությանը կտա գործողությունների ավելի լայն շրջանակ արկտիկական տարածաշրջանում։ Չնայած Դանիան ՆԱՏՕ-ի դաշնակից է, բանակցությունները բարդանում են Գրենլանդիայի բնակչության դժգոհությամբ, որոնք մտավախություն ունեն, որ օտարերկրյա ռազմական ներկայության ավելացումը կարող է վտանգել տեղական ինքնիշխանությունը։