Վաճառվել է Ջոն Լենոնի դաշնամուրը

Gotta Have Rock and Roll ընկերության պաշտոնական կայքում նշվում է, որ վերջինիս կազմակերպած աճուրդում վաճառվել է The Beatles խմբի հիմնադիրներից մեկի՝ Ջոն Լենոնի դաշնամուրը, որը, ենթադրաբար, Լենոնը ձեռք է բերել 1966 թվականին։

Դաշնամուրը վաճառվել է 575 հազար դոլարով, սակայն ընկերությունում հույս ունեին դրա համար ստանալ 800 հազարից մինչև 1,2 միլիոն դոլար։

Դաշնամուրը ձեռք է բերել երաժշտական գործիքների ամերիկացի կոլեկցիոներ Ջիմ Իրսեյը, ով, Forbes հանդեսի գնահատումներով, 2,7 միլիարդ կարողության տեր է։