ՀՀ ԱԱԾ նախկին պետ, «Հայրենիք» կուսակցության ղեկավար Արթուր Վանեցյանն այսօր ԱԱԾ-ից դուրս գալուց հետո ճեպազրույց ունեցավ լրագրողների հետ։
Հարցին, թե ի՞նչ գործի շրջանակներում է
2 հրավիրվել և ի՞նչ կարգավիճակ ունի, Վանեցյանն ասաց․
«Մի անհեթեթ գործի շրջանակներում, կարգավիճակ որևէ չունեմ։ Հրավիրվել եմ նյութերի նախապատրաստման շրջանակներում բացատրություն տալու համար»։
Նրա խոսքով՝ պարտավորություն չուներ գալու, բայց հարգելով ինստիտուտն այցելել է ու հրաժարվել է բացատրություն ներկայացնելուց։
«Իրականում, ոչնչի մասին է այդ գործը։ Հերթական շինծու և քաղաքական նպատակներով գործն է։ Վերջին 8 ամիսների ընթացքում իշխանությունները փորձում են ամեն կերպ իմ նկատմամբ իրականացնել որևէ քրեական հետապնդում՝ նպատակ ունենալով կասեցնել իմ ակտիվ քաղաքական գործունեությունը», – ասել է Վանեցյանը։
Նա նաև կարճ պատմել է, թե ինչի մասին է գործը։
«2018 թվականին վերականգնվել է աշխատանքի մեր նախկին աշխատակիցներից մեկը, ով, ըստ ԱԱԾ մեկնաբանության, իրավունք չուներ այդ պաշտոնին այդ պաշտոնին վերականգնվելու», – նշել է Վանեցյանը։