ՀՀ վարչապետ Նիկոլ Փաշինյանին Ջերմուկում մոտեցավ ՍԴ աշխատակազմի ղեկավար Էդգար Ղազարյանը: Նա վարչապետին հիշեցրեց՝ 2012-2014 թթ. եղել է Վայոց ձորի մարզպետ:
Ղազարյանը նշեց՝ իր պաշտոնավարման շրջանում Ամուլսարի վրա տարվող աշխատանքները դադարեցվել են: Նա ասաց՝ Ամուլսարի հանքի շահագործումը նշանակում է ամեն օր 15-20 պայթեցում և 25 տոննա փոշի ամեն պայթեցումից:
«Հնարավոր չէ, որ դա այս քաղաքի վրա չանդրադառնա, էլ չասած՝ հանքաքարի տեղափոխում, աղմուկ և այլն: Այս քաղաքը ժամանակակից քաղաք է, միջնադարյան չէ, Հայաստանում միակ առողջարանն է եղել, որ միութենական նշանակություն է ունեցել»,- ասաց նա: