Այս պահին Ավստրիայի մայրաքաղաք Վիեննայի «Բրիստոլ» հյուրանոցում մեկնարկում է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Որպես այդպիսին, այս հանդիպումը պաշտոնական առաջին բանակցություններն են։ Տեղում են նաև ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին և Էնդրյու Շոֆերը, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը։
Նախ կկայանա ընդլայնված կազմով հանդիպումը, ապա երկու երկրների ղեկավարները առանձնազրույց կունենան։ Հանդիպմանը ներկա են նաև երկու երկրների արտաքին գործերի նախարարներ Զոհրաբ Մնացականյանն ու Էլմար Մամեդյարովը։ Ըստ նախնական օրակարգի հանդիպումը տևելու է երկու ժամ։
Նշենք, որ վարչապետ Փաշինյանը քանիցս նշել է, որ այս բանակցությունների ընթացքում բարձրացնելու է Արցախի Հանրապետությանը բանակցային սեղան վերադարձնելու հարցը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
