Երեկ՝ հոկտեմբերի 28-ին, մահվան ելքով վրաերթ է տեղի ունեցել Արագածոտնի մարզի Արայի գյուղ տանող ճանապարհին։
Այս մասին հայտնում է ՀՀ ոստիկանությունը։
Դեպքը տեղի է ունեցել 21:00-ի սահմաններում։
Նշվում է, որ «ՎԱԶ-2106» մակնիշի մեքենայի վարորդը վրաերթի է ենթարկել 55 և 60 տարեկան երկու քաղաքացիների։
Նրանցից 55-ամյա Աստղիկ Սարգսյանը մահացել է, իսկ 60-ամյա վրաերթի ենթարկվածը տեղափոխվել է հիվանդանոց։
Նշվում է նաև, որ կատարվում է քննություն։