Լուսավոր Հայաստան խմբակցությունը խորհրդարան էր ներկայացրել նախագիծ, համաձայն որի՝ վարչապետին առաջարկվում է վերանայել ֆինանսների նախարարի պաշտոնում Ատոմ Ջանջուղազյանի հետագա պաշտոնավարման հարցը: Սակայն նախագիծը խորհրդարանում չընդունվեց: ԼՀԿ-ն պնդում է, որ նախարարը պետք է պաշտոնանկ արվի։
Ձայների հարաբերակցությունն էր. 67 դեմ, 41 կողմ և 1 ձեռնպահ: Քվեարկության ընթացքում ԲՀԿ և ԼՀԿ պատգամավորները քվեարկեցին Ջանջուղազյանին հեռացնելու օգտին, «Իմ քայլը» խմբակցությունը՝ պաշտոնանկության դեմ։ Արդյունքում Ջանջուղազյանի պաշտոնավարումը կշարունակվի։
