AFP-ը հաղոդում է, որ YouTube ընկերությունը արգելելու է ռասիզմ և խտրականություն քարոզող տեսանյութերի տարածումը:
Ընկերությունը հայտարարություն է տարածել, որտեղ նշվում է, որ YouTube-ում միշտ եղել են կանոններ, որոնք արգելում են ատելության քարոզումը:
«Այսօր մենք ևս մեկ քայլ ենք ձեռնարկում, որով արգելվում են ռասիզմ, խտրականություն, սեգրեգացիա կամ մեկուսացում քարոզող տեսանյութերը»,- ասվում է հայտարարության մեջ:
Այդ քայլի մասին հայտնի է դարձել այն բանից հետո, երբ Փարիզում համաշխարհային առաջնորդները կոչ են արել սանձել համացանցում ծայրահեղականությունը. հայտնի էր դարձել, որ Նոր Զելանդիայում մզկիթներում զանգվածային սպանդը հեռարձակվել է ուղիղ եթերով: