2025 թվականը Յանգբլադի համար նշանավորվեց մեծ հաջողություններով։ Նրա «Զոմբի» երգը առաջադրվեց Գրեմմիի «Լավագույն ռոք երգ» անվանակարգում՝ վկայելով երաժշտի աճող հեղինակության մասին ժամանակակից ռոքի ասպարեզում։ Այս երգի ակուստիկ տարբերակը, որը նա ներկայացրեց ջութակի ուղեկցությամբ և ջերմ մթնոլորտում, ընդգծեց Յանգբլադի հուզական և ստեղծագործական ուժը։
Նրա վերջին՝ «IDOLS» ալբոմը, որը թողարկվել է 2025-ի հունիսին, համարվում է մինչ այժմ ամենահամարձակ աշխատանքը։ Այն անդրադառնում է ինքնության, ինքնավստահության և հերոսների պաշտամունքի թեմաներին։ Ալբոմը շուտով բարձրացավ բրիտանական ու ամերիկյան հիթ-շքերթների առաջին հորիզոնականները։ Բացի այդ, Յանգբլադը համագործակցեց լեգենդար Aerosmith խմբի հետ՝ թողարկելով համատեղ EP, որը դարձավ մեծ հաջողություն և ամերիկյան հիթ-շքերթների առաջատար։
2026-ին Յանգբլադը նոր համաշխարհային շրջագայություն է սկսում՝ անցնելով Ավստրալիայի, Միացյալ Թագավորության, Իռլանդիայի և Հյուսիսային Ամերիկայի մեծագույն քաղաքներով։ Նրան հաջողվում է միավորել տարբեր սերունդների երաժշտասերներին և նոր երանգներ հաղորդել ռոք երաժշտությանը։