Կիրովում հաջողվել է կանխել զանգվածային սպանությունը դպրոցներից մեկում։ Այս մասին, ինչպես փոխանցում է РИА Новости-ն, հայտնել է ՌԴ ՆԳՆ ծայրահեղականության հակազդեցության վարչության պետի տեղակալ Վլադիմիր Մակարովը:
Նրա խոսքով՝ օրերս ոստիկանությանը հայտնի էր դարձել, որ աշակերտներից մեկը հետաքրքրվում է դպրոցական բռնության թեմայով և հարձակում է ծրագրում սառը զենքի ու ինքնաշեն պայթուցիկ սարքի կիրառմամբ:
Առայժմ այլ մանրամասներ չեն հրապարակվում:
Վերջին տարիներին հաճախակիացել են անչափահասների հարձակումների դեպքերը տարեկիցների և ուսուցիչների վրա: 2018 թվականին աղմկահարույց միջադեպեր էին տեղի ունեցել Պերմում, Ստերլիտամակում, Ուլան Ուդեում, Վոլսկում, Սարատովում, Կերչում: