Իրանի արտաքին գործերի նախարար Մոհամադ Ջավադ Զարիֆը Մեծ Բրիտանիային մեղադրել է «տնտեսական ահաբեկչության» մեջ: Այս մասին հաղորդում է ՏԱՍՍ լրատվական գործակալությունը:
Նշվում է, որ Զարիֆն այս մասին հայտարարել է Թեհրանում կայացած մամուլի ասուլիսում՝ անդրադառնալով Ջիբրալթարի իշխանություների կողմից իրանական լցանավի կալանման հետ կապված միջադեպին:
«Մեծ Բրիտանիան ԱՄՆ-ի գործընկերն է տնտեսական ահաբեկչության մեջ: Նա պետք է գիտենա, որ նման քաղաքականությունը հետեւանքներ է ունենալու»,- ասել է նա: