Ուկրաինայի նախագահ Վլադիմիր Զելենսկին հայտարարել է, որ Եգիպտոսը դադարեցնելու է Ուկրաինայի ժամանակավորապես օկուպացված տարածքներից Ռուսաստանի կողմից արտահանվող հացահատիկի ընդունումը: Նա նաև նշել է, որ Եգիպտոսը պատրաստ է ավելացնել Ուկրաինայից հացահատիկի ներմուծումը:
Զելենսկին, ով հեռախոսազրույց է ունեցել Եգիպտոսի նախագահ Աբդել Ֆաթթահ ալ-Սիսիի հետ, շնորհակալություն է հայտնել այս որոշման համար: Եգիպտոսը նաև պատրաստակամություն է հայտնել նպաստելու արժանապատիվ խաղաղության հաստատմանը:
Կողմերը քննարկել են նաև Մերձավոր Արևելքի և Պարսից ծոցի իրավիճակը, դրա ազդեցությունը համաշխարհային նավթի շուկայի վրա, ինչպես նաև ռազմատեխնիկական համագործակցության հնարավորությունները: Երկու երկրների արտաքին գործերի նախարարները կպահպանեն կապը: