Այսօր Ազգային ժողովն արտահերթ նիստի ընթացքում երկրորդ ընթերցմամբ և ամբողջությամբ ընդունեց Հարկային օրենսգրքում փոփոխություններ կատարելու նախագիծը: Նախագծին կողմ քվեարկեց 92 պատգամավոր: Դեմ ձայներ չկային:
Նախագիծն ԱԺ-ում ներկայացնում էր ՊԵԿ նախագահ Դավիթ Անանյանը: Ըստ այդ նախագծի՝ նախատեսվում է, որ կառավարությունը 56 միլիարդ դրամ կվերադարձնի տնտեսվարողներին, որոնց պարտք էր։
Սեպտեմբերի 20-ին տեղի էր ունեցել առաջին ընթերցումը, որի ժամանակ նույնպես ԱԺ-ն միաձայն կողմ էր քվեարկել: