Playboy-ի լրագրող և CNN-ի քաղաքական վերլուծաբան Բրայան Քարեմը հայտնել է նախագահ Թրամփի վարչակազմի կողմից իր հավատարմագրումը ժամանակավորապես դադարեցնելու պատճառը: Այս մասին հայտնում է Fox News-ը:
Լրագրողի խոսքով՝ դա տեղի է ունեցել ռադիոշոուի հաղորդավար Սեբաստիան Գորկայի հետ իր վիճաբանության պատճառով:
Քարեմի խոսքով ՝ Սպիտակ տունը նրան նամակ է ուղարկել, ըստ որի՝ իրեն անցագրերի տրամադրումը դադարեցվել է 30 օրով: Միևնույն ժամանակ լրագրողը նշում է, որ բողոքարկելու է այս որոշումը:
