Դեկտեմբերի 20-ին՝ ժամը 19։07-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ քաղաքացին կնոջ և երեք երեխաների հետ Մաթոսավանք վանական համալիր տանող անտառամիջյան ճանապարհին մոլորվել է։ Այս մասին հայտնում է ՆԳՆ փրկարար ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։ Փրկարարները, արագ արձագանքելով իրավիճակին, հայտնաբերել են մոլորված ընտանիքին։ Նրանք ապահով ուղեկցվել են իրենց ավտոմեքենայի մոտ՝ ապահովելով նրանց անվտանգ վերադարձը։
Հիշեցնենք, որ նման դեպքերում կարևոր է պահպանել հանգստություն և անմիջապես կապ հաստատել համապատասխան ծառայությունների հետ։