Ուկրաինայի նախագահ Վլադիմիր Զելենսկին կարող է հեռախոսազրույց ունենալ ՌԴ ղեկավար Վլադիմիր Պուտինի հետ՝ ավելի քան հինգ տարվա ընթացքում առաջին անգամ։ Այս հնարավորությունը առաջացել է Դոնալդ Թրամփի և Զելենսկիի միջև տեղի ունեցած բանակցությունների արդյունքում։ Աղբյուրների համաձայն, այս հանդիպումը կարող է հիմք հանդիսանալ երկու նախագահների միջև ուղիղ կապի վերականգնման համար, ինչը կնշանակի ԱՄՆ նախագահի դիվանագիտական հաղթանակ։
Թրամփը, ով իրեն տեսնում է որպես հաջողակ միջնորդ, նշել է, որ խաղաղության համաձայնագիրը գտնվում է մշակման եզրափակիչ փուլում։ Բանակցությունների առանցքում 20 կետից բաղկացած խաղաղության ծրագիրն է, որը ենթադրում է փոխզիջումներ թե՛ Կիևի, թե՛ Մոսկվայի կողմից։ Զելենսկին ընդգծել է, որ Ուկրաինայի համար առաջնահերթությունը պատերազմի ավարտն է, սակայն կարևոր է նաև ստանալ ԱՄՆ-ից անվտանգության երաշխիքներ։
Հիշեցնենք, որ Պուտինը և Զելենսկին վերջին անգամ խոսել են 2020 թվականի հուլիսին, երբ քննարկել են «Վագներ» խմբավորման հետ կապված հարցեր։ Այդ ժամանակից ի վեր, Զելենսկին բազմիցս փորձել է կապ հաստատել Պուտինի հետ, սակայն վերջինս հրաժարվել է։ Ներկայիս բանակցությունները կարող են նոր հնարավորություն ստեղծել երկխոսության համար։