ՀՀ ոստիկանության պետի տեղակալի պաշտոնը զբաղեցրած Սաշա Աֆյանի նկատմամբ քրեական վարույթն ավարտվել է, և վարույթի նյութերը մեղադրական եզրակացությամբ ուղարկվել են դատարան։ Հակակոռուպցիոն կոմիտեն հայտնել է, որ նախաքննության արդյունքում հիմնավորվել է, որ Աֆյանը 2008 թվականի մարտի 1-ին կազմակերպել է ոստիկանության տարբեր ստորաբաժանումների կողմից խաղաղ ցուցարարների նկատմամբ բռնության և հատուկ միջոցների կիրառումը: Այս գործողությունները հանգեցրել են հասարակության և պետության օրինական շահերին էական վնաս հասցնելուն:
