ԱՄՆ նախագահի վարկանիշն իջել է մինչև 36%՝ հասնելով արձանագրված վատագույն ցուցանիշին: Այս մասին հաղորդվում է Reuters-ի և Ipsos-ի համատեղ հարցման արդյունքներով:
Գործակալության տվյալներով՝ հարցումն անցկացվել է առցանց՝ 1002 անձանց, այդ թվում՝ 435 դեմոկրատների և 379 հանրապետականների շրջանում, անճշտության հավանականությունը 4% է։
«Նախագահ Բայդենի հավանության վարկանիշն ընկել է չորրորդ շաբաթն անընդմեջ՝ հասնելով 36%-ի, ինչը վերջին՝ մայիսին գրանցված ամենացածր արդյունքն է», – հայտնում է գործակալությունը:
Արդյունքները մտահոգիչ են Դեմոկրատական կուսակցության համար՝ նոյեմբերին կայանալիք միջանկյալ ընտրություններից առաջ։
Ինչպես նշում է գործակալությունը, չնայած Բայդենի հավանության վարկանիշը նվազում է, սակայն դեռ չի հասել ԱՄՆ նախկին նախագահ Դոնալդ Թրամփի վատագույն արդյունքին (33%)։