Ամերիկայի քաղաքացիական ազատությունների հեղինակավոր միությունը (ACLU) հայտարարել է, որ աբորտն արգելող օրենքի պատճառով դատի է տալիս Ալաբամա նահանգի իշխանություններին:
Հայցին միացել է երկրում աբորտների խոշորագույն կատարողը՝ Ընտանիքի պլանավորման ամերիկյան դաշնությունը:
«Մենք մարտահրավեր ենք նետում օրենքին, որը գրեթե բոլոր դեպքերում արգելում է աբորտները և ծառայությունների մատուցման համար պատժում է բժիշկներին մինչև 99 տարի ժամկետով», -նշվում է հայտարարությունում:
ACLU հաշվարկով՝ սա այս տարի արդեն 5-րդ օրենքն է, որը փաստացի արգելում է աբորտը. համապատսխան օրենքներն ընդունել են Քենթուքին, Ջորջիան, Օհայոն և Միսիսիպին, արգելքը սպասվում է նաև Միսուրիում:
Իրավապաշտպանների հայտարարության համաձայն՝ մինչև օրենքի ուժի մեջ մտնելը Ալաբամայում աբորտները դեռևս օրինական են:
«Տվյալ հայցով մենք ձգտում ենք հասնել դատարանի կարգադրության, որը կապահովվի, որ այս օրենքը երբեք ուժի մեջ չտմնի», -պարզաբանել է ACLU գործադիր տնօրեն Ռենդալ Մարշալը:
Մայիսին Ալաբամայի նահանգապետի կողմից ստորագրված օրենքը պետք է ուժի մեջ մտնի կես տարուց, եթե դրա կատարումը դատարանը չարգելափակի:
ԱՄՆ-ում աբորտները թույլատրված են դաշնության մակարդակով: Համապատասխան պատմական որոշումն ընդունվել է 1973 թվականին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
