Այգեստանի բնակիչը տեղանքում մոլորվել, անցել է Ադրբեջանի սահմանը, ապա ետ վերադարձվել

Արցախի մարդու իրավունքների պաշտպանի Գեղամ Մանուկյանը հայտնում է, որ Արցախի ՄԻՊ աշխատակազմի կողմից հավաքագրված տեղեկատվության համաձայն՝ հուլիսի 22-ին Ասկերանի շրջանի Այգեստան համայնքի բնակիչներից մեկը Խրամորթ համայնքի հատվածում, տեղանքում մոլորվելով, անցել է ադրբեջանական վերահսկողության տակ գտնվող հատված:

Նշվում է, որ ռուս խաղաղապահների միջամտությամբ անձը վերադարձվել է հայկական կողմին:

Մանուկյանը նաև հայտնում է, որ բնակչի կյանքին և առողջությանը վտանգ չի սպառնում: