fbpx
Առողջապահություն

ԱՀ Մարտակերտի շրջանում հանվել են անձանց ազատ տեղաշարժի սահմանափակումները

Արցախի տեղեկատվական շտաբը Facebook-ի էջում գրառում է կատարել։ Շտաբը հայտնում է, որ Արցախի Հանրապետության արտակարգ իրավիճակների պետական ծառայության տրամադրած տեղեկատվության համաձայն՝ ԱՀ Պարետի 2020թ. ապրիլի 28-ի N 5 որոշմամբ Մարտակերտի շրջանի Վերին Հոռաթաղ, Կոճողոտ և Հաթերք համայնքներում հանվել են անձանց ազատ տեղաշարժի իրավունքի ժամանակավոր սահմանափակումները:

«Արտակարգ իրավիճակների պետական ծառայության ստորաբաժանումները վերոնշյալ համայնքների համայնքային հիմնարկներում՝ համայնքապետարանի, ակումբի ու բուժկետի շենքերում, դպրոցներում, մանկապարտեզներում, առևտրի կետերում և բնակելի տներում (ըստ անհրաժեշտության) իրականացրել են ախտահանման աշխատանքներ, մասնավորապես՝

Հաթերք համայնքում՝ 38 համայնքային հիմնարկ և բնակելի տուն,

Վերին Հոռաթաղ համայնքում՝ 10 համայնքային հիմնարկ և բնակելի տուն,

Կոճողոտ համայնքում՝ 9 համայնքային հիմնարկ և բնակելի տուն»,- ասված է գրառման մեջ։

https://www.facebook.com/ArtsakhInformation/posts/134027104904745

 

ԱՄԵՆԱԴԻՏՎԱԾՆԵՐԸ

ՎԵՐ