Աշխարհ

Ռումբի մասին ահազանգերից հետո ԱՄՆ 3 համալսարան տարհանվել է

ԱՄՆ-ի միանգամից 3 համալսարանում պայթյունների սպառնալիքի վերաբերյալ հաղորդագրություններ են ստացվել, որից հետո դրանց ավանների մի մասը տարհանվել են։

Այս մասին հայտնում են ամերիկյան ԶԼՄ-ները։

Նշվում է, որ նման ահազանգեր են ստացվել Կոլումբյան, Քոռնելի և Բրաունի համալսարանների վերաբերյալ։

Կոլումբյան համալսարանի համալսարանական 2 շենքերից տարհանում է իրականացվել, բայց հետո ռումբի վերաբերյալ ահազանգը ճանաչվել է կեղծ ու համալսարանը վերադարձել է իր բնականոն կյանքին։

Քոռնելի համալսարանական ավանում տարհանումը շարունակվում է։ Համալսարանի Twitter-ում հայտնված հաղորդագրության մեջ խնդրվում է խուսափել կենտրոնական ավանից։

Բրաունի համալսարական ավանի մեծ մասն արդեն իսկ տարհանվել է։ Այս պահին ընթանում է հետաքննություն։

Դեռևս մանրամասներ չեն հաղորդվում այն առումով, թե ով կամ ովքեր են կանգնած այս ահազանգերի ու սպառնալիքների ետևում։

ԱՄԵՆԱԴԻՏՎԱԾՆԵՐԸ

ՎԵՐ