Երեւանի քաղաքապետ Տիգրան Ավինյանը անցյալ տարի հանձնարարական է տվել Աջափնյակ վարչական շրջանում մետրոյի նոր կայարանի կառուցման եւ դրա շուրջ բիզնես կենտրոնի ստեղծման համար: Այս նախաձեռնությունը նպատակ ունի ոչ միայն նոր տրանսպորտային հանգույց ունենալ, այլեւ ֆինանսապես եւ բիզնես տրամաբանությամբ հետաքրքիր միջավայր ապահովել, որը կնվազեցնի կայարանի կառուցման ծախսերը։
Մրցութային գործընթացը երկփուլ է, որին մասնակցել են 7 միջազգային եւ տեղական ընկերություններ, որոնցից 2-ը անցել են նախաորակավորման փուլը։ Հաղթող առաջարկները պետք է ներկայացվեն մինչեւ մարտի 3-ը, իսկ հունիսի կեսերից նախատեսվում է սկսել շինարարական աշխատանքները։ Տիգրան Ավինյանը ընդգծել է, որ բիզնես կենտրոնի ստեղծումը կօգնի մեղմել ֆինանսական բեռը եւ կստեղծի նոր հնարավորություններ տարածքի զարգացման համար։