Հունիսի 4-ին Ազգային ժողովում երկրորդ ընթերցմամբ ներկայացվեց «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին նախագիծը։
Նախագիծը կարգավորում է զինծառայության հետ կապված մի շարք պայմաններ, որոնք վերաբերում են երկու եղբոր միաժամանակ ծառայությանը, միջին մասնագիտական կրթական հաստատություններում սովորելիս տարկետում ստանալու հարցեր և այլն։
Նախագծում առաջին ընթերցումից հետո կատարվել էր մեկ փոփոխություն. վերացվել էր ներքին ծառայության կանոնագրքի հետ հակասությունը։
Պաշտպանության նախարարի տեղակալ Գաբրիել Բալայանը մի քանի նախադասությամբ ներկայացրեց այդ փոփոխությունը: ԱԺ պաշտպանության և անվտանգության հանձնաժողովի անունից պատգամավոր Տիգրան Կարապետյանն ասաց, որ իրենք միաձայն կողմ են օրենքի ընդունմանը։
