83-ամյա ամերիկացի դերասան Ալ Պաչինոն չորրորդ անգամ հայր է դառնալու. Այս մասին հայտնում է TMZ-ը՝ հղում անելով աղբյուրներին։
Հրատարակության տվյալներով՝ սիրված արտիստ, 29-ամյա պրոդյուսեր Նուր Ալֆալլան ութերորդ ամսական հղի է։ Զույգի չծնված երեխայի սեռը չի բացահայտվել։
Պաչինոյի և Ալֆալլայի հարաբերությունների մասին հայտնի դարձավ անցյալ տարվա ապրիլին։
Մինչ դերասանի հետ սիրավեպը աղջիկը հարաբերությունների մեջ է եղել Rolling Stones-ի մենակատար Միք Ջագերի հետ։ Այդ ժամանակ Ալֆալլան 22 տարեկան էր, իսկ երաժիշտը` 74։ 2018 թվականին պրոդյուսերը սկսեց հանդիպել միլիարդատեր Նիկոլաս Բերգգրուիենի հետ, ով այժմ 61 տարեկան է։ Աղջկան տեսել են նաև 91-ամյա ռեժիսոր և դերասան Քլինթ Իսթվուդի ընկերակցությամբ, ով, ըստ նրա, միայն ընտանիքի ընկերն է։
Ալ Պաչինոն արդեն երեք երեխա ունի տարբեր կանանցից՝ 33-ամյա դուստր Ջուլիա Մարիա Պաչինոն, ինչպես նաև 22-ամյա երկվորյակներ Անտոն Ջեյմս Պաչինոն և Օլիվիա Ռոուզ Պաչինոն։ Չորրորդ երեխայի չափահաս դառնալու պահին «Կնքահայրը» եռերգության աստղը կդառնա 100 տարեկան։
