Ալբանիայի իշխանությունները մեղադրել են Իրանին Ալբանիայի հանրային ծառայությունների դեմ կիբերհարձակման փորձի մեջ և հայտարարել են Իսլամական Հանրապետության հետ դիվանագիտական հարաբերությունների դադարեցման մասին։ Այս մասին հայտնում է Albania Daily News-ը՝ վկայակոչելով վարչապետ Էդի Ռամուին։
Ալբանիայի վարչապետի խոսքով՝ այս որոշումը պաշտոնական նոտայով ծանուցվել է Իրանի դեսպանատանը, դիվանագիտական և տեխնիկական-վարչական բոլոր անձնակազմին, այդ թվում՝ անվտանգության աշխատակիցներին, որոնց հրամայվել է 24 ժամվա ընթացքում լքել Ալբանիայի Հանրապետության տարածքը:
Ալբանիան հայտարարել է, որ Իրանը հուլիսի 15-ին փորձել է կիբերհարձակում իրականացնել պետական ծառայությունների դեմ՝ մեղադրելով Իսլամական Հանրապետությանը կառավարության տվյալները գողանալու մտադրության մեջ։
«Հարձակումը ձախողվեց, և վնասը կարելի է համարել փոքր, և մասնագիտացված գործակալությունների հետ համաձայնեցմամբ ապացուցվեց, որ կիբերհարձակումն իրականացրել է Իրանը, որը ֆինանսավորել է չորս տարբեր խմբեր Ալբանիայի վրա հարձակվելու համար», – բացատրել է Ռաման:
ԽՈՐՀՈւՐԴ Է ՏՐՎՈւՄ ԿԱՐԴԱԼ
