Հայաստանի Հանրապետության առողջապահության նախարարությունից կարևոր տեղեկատվություն են հայտնել՝ կապված կերակրատեսակների պահպանման ժամկետների հետ։
- 100-ավոր քաղաքացիներ արդեն ստացել են քովիդի դեմ 3-րդ դեղաչափը
- Հունգարիայի նվիրաբերած 100 հազար դեղաչափ AstraZeneca-ն արդեն Հայաստանում է
Քանի որ մարդիկ ունեն սովորություն ամանորյա կերակրատեսակները երկար պահելու, այս ինֆորմացիան անհրաժեշտ է հիշել։
Այսպիսով՝
Թռչնի մսից պատրաստված կոտլետները, բանջերեղենից, մսից, ձկից և այլ մթերքից աղցանները` համեմված թթվասերով, մայոնեզով, կարելի է պահել ընդամենը 12 ժամ:
Աղցանների համար նախատեսված եփած միսը, աղացած մսից պատրաստված տապակած կերակրատեսակները՝ կոտլետներ, պելմենի, բլինչիկ, տապակած լյարդը, թռչնի եփած մսեղիքը, ձուկը, չհամեմված բանջերեղենից աղցանները կարելի է պահել ընդամենը 24 ժամ:
Տավարի և խոզի տապակած միսը, տապակած ձուկը, պաստերացված կաթը, սերուցքը, յուղալի և յուղազրկված դիետիկ կաթնաշոռը, սերուցքային կրեմով տորթը խորհուրդ է տրվում պահել 36 ժամ:
Թռչնի ու ճագարի տապակած միսը, խորոված ձուկը, մածունը, դիետիկ թթվասերը կարելի է պահել 48 ժամ:
Թթվասերը, առանց կրեմի կամ սպիակուցային կրեմով տորթերը, հրուշակեղենը կարելի է պահել 72 ժամ:
