Ամազոնը զգուշացնում է իր 300 միլիոն հաճախորդին Սեւ Ուրբաթի առցանց գնումների սեզոնին կիբերհարձակումների վտանգի մասին։ Ընկերության հաղորդագրության համաձայն, այս տարի կիբեռհանցագործներն առավել ակտիվ են. նրանք օգտագործում են խաբուսիկ հաղորդագրություններ, կեղծ գովազդներ եւ նմանակող կայքեր՝ օգտատերերից անձնական եւ ֆինանսական տվյալներ ձեռք բերելու համար։
Վերջին ուսումնասիրությունները ցույց են տվել, որ վերջին ամիսներին գրանցվել է հազարավոր տոնական եւ խոշոր բրենդների նմանակող կայքեր, որոնցից շատերը վնասակար են։ Ամազոնը հորդորում է օգտատերերին օգտվել միայն պաշտոնական հավելվածից կամ կայքից, միացնել երկքայլ ստուգում, կիրառել անցանկալի հաղորդագրությունների զտում եւ երբեք չտրամադրել վճարային կամ գաղտնաբառի տվյալներ հեռախոսով կամ կասկածելի հղումներով։
Այս տարի խաբեությունները առավել բարդ են դարձել՝ արհեստական բանականության կիրառմամբ։ Սեզոնի ընթացքում զգոնությունն ու անվտանգության հիմնական կանոններին հետեւելը կարող են կանխել տվյալների կորուստը եւ ֆինանսական վնասը։