ԱՄԷ-ի ինտերպոլի կողմից հետախուզվողը հայտանբերվեց «Զվարթնոց» օդանավակայանում

Հոկտեմբերի 18-ին, ժամը 01.20-ին, ոստիկանության «Զվարթնոց» օդանավակայանի գծային բաժնի ծառայողների ձեռնարկած օպերատիվ-հետախուզական միջոցառումների շնորհիվ Կրասնոդար-Երևան չվերթի ինքնաթիռի ժամանումից հետո գծային բաժին բերման է ենթարկվել ՌԴ և Սիրիայի Հանրապետության քաղաքացի, 1970 թ. ծնված Էմադ Տ.-ն։

Վերջինս 2009 թ. հուլիսի 28-ից հետախուզվում էր Արաբական Միացյալ Էմիրությունների Ինտերպոլի կողմից՝ այդ երկրի քրեական օրենսգրքի 401/1 հոդվածի (խարդախությունը) մեղադրանքով:

Այս մասին տեղեկացնում են ՀՀ ոստիկանության պաշտոնական կայքից։