Ամերիկացի զինծառայողները Սիրիայից դուրս են բերել մոտ 50 տոննա ոսկի՝ Դեր Զոր նահանգում ահաբեկիչների հետ պայմանավորվածություն ձեռք բերելով։
Ինչպես հայտնում է Սիրիայի պետական SANA գործակալությունը, գրոհայինները նրանց առաջարկել են իրենց ունեցած ողջ ոսկին (մոտ 40 տոննա)՝ անվտանգության երաշխիքների դիմաց։
Գրոհայինները ոսկին հափշտակել էին Սիրիայի և Իրաքի տարածքում և թաքցրել Դեր Զորի Բագհուզ բնակավայրի մատույցներում։ Եվս 10 տոննա թանկարժեք մետաղը զինվորականները գտել են գրոհայինների գաղտնի այլ թաքստոցներում։ Դեր Զորը Սիրիայում ահաբեկիչների վերջին պատվարներից մեկն է։ Այն շրջափակված է ամերիկյան զորքերով։
Նշվում է, որ ահաբեկիչներից ստացված ոսկին ամերիկացի զինվորականները տեղափոխել են գիշերը, ուղղաթիռներով։