Ամերիկյան կողմը կարող է համաձայնել Թուրքիային F-16 կործանիչների վաճառքին, եթե Անկարան ստանձնի այդ ինքնաթիռների օգտագործման պարտավորությունները։ Այս մասին գրում է Politico-ն՝ վկայակոչելով աղբյուրներ։
Հրատարակության տվյալներով՝ ԱՄՆ-ը ցանկանում է սահմանափակումներ մտցնել մարտական ինքնաթիռների օգտագործման հարցում։ Ինչպես ասվում է հոդվածում, ԱՄՆ նախագահ Ջո Բայդենի վարչակազմը չի կարող վաճառել ինքնաթիռը առանց առանցքային հանրապետականների և դեմոկրատների աջակցության, որոնք նախկինում դեմ են եղել F-16-ների տեղափոխմանը Թուրքիային։ Մնացած մտահոգիչ հարցերից մեկն այն է, թե Թուրքիան ինչպես կարող է օգտագործել ԱՄՆ-ի տրամադրած կործանիչները:
Ինչպես նշել է ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը, Անկարայից կարող է պահանջվել չօգտագործել F-16-ներ ՆԱՏՕ-ի դաշնակիցների դեմ։
