Արժույթի միջազգային հիմնադրամի գործադիր տնօրեն Քրիստին Լագարդը պաշտոնապես հրաժարական է տվել:
Նրա պաշտոնավարման ութ տարվա լիազորությունների ժամկետը լրանում է սեպտեմբերին: Լագարդի՝ վաղաժամկետ հրաժարականի պատճառը այն է, որ Եվրամիության առաջնորդները նրա թեկնածությունն առաջադրել են Եվրոպական կենտրոնական բանկի նախագահի պաշտոնի համար:
Լագարդը փոխարինելու է Մարիո Դրագիին, ում լիազորություններն ավարտվում են հոկտեմբերի 31-ին:
Արժույթի միջազգային հիմնադրամի տնօրենների խորհուրդը հայտարարել է, որ անհապաղ նախաձեռնում է նոր գործադիր տնօրեն ընտրելու գործընթացը:
