Քեթի Վելբերգերը, ով միջազգային անվտանգության հարցերով փորձագետ է Պենտագոնում՝ կարծում է, որ ԱՄՆ-ն առաջիկայում կասեցնելու է ամերիկյան F-35 կործանիչների մատակարարումը Թուրքիային։ Այս մասին հայտնում է ermenihaber-ը։
Արդեն պարզ է F-35 կործանիչների մատակարարման հնարավոր կասեցման պատճառն է, որ Թուրքիան Ռուսաստանի հետ ստորագրել է ռուսական S-400 ՀՕՊ համակարգերի վերաբերյալ պայմանագիր, ինչին կտրականապես դեմ է ԱՄՆ-ը։ Ամերիկացի պաշտոնյան պնդել է, որ Վաշինգտոնն այս հարցում վճռական է տրամադրված և հստակ ազդանշաններ է տալու Անկարային։
Ավելի վաղ էլ Պենտագոնը մի քանի անգամ Անկարային զգուշացրել էր, թե ինչ ծանր հետևանքներ կլինեն, եթե Թուրքիան գնի S-400-ները:
Նշենք, որ այս պահին Թուրքիային են հանձնվել միայն 4 միավոր F-35-ներ, որոնք էլ առայժմ Թուրքիայում չեն։ Ըստ թուրք-ամերիկյան պայամանագրի՝ Թուրքիան ընդհանուր պետք է ստանա 100 միավոր F-35։ Մնացած 96 –ի ճակատագիր այս պահին անորոշ է։
